కానిస్టేబుల్.. ఈజ్ ఏ రియ‌ల్ హీరో

98

The bullet news (International)-  స్పృహలో లేని అమ్మాయిని భుజాన వేసుకొని మోసుకువస్తున్న ఈ పోలీస్ కానిస్టేబుల్‌ను చూశారుగా.. ఇప్పుడు ఈ ఫొటో సోషల్ మీడియాలో సంచలనంగా మారింది. ప్రాణాలకు తెగించి మంటల్లో చిక్కుకున్న 9 మందిని కాపాడిన ఈ రియల్ హీరోను కీర్తిస్తూ ఫొటోను షేర్ చేస్తున్నారు. కామెంట్ల మీద కామెంట్లు పెడుతున్నారు. నిజానికి అతను చేసిన సాహసానికి ఈ అభినందనలు చాలవు. ఏడంతస్తుల భవనం.. పై అంతస్తులో ఉన్న ఓపెన్ టాప్ పబ్‌లో అగ్ని ప్రమాదం.. చాలా మంది చిక్కుకుపోయారు. ఇప్పటికే ఓ అవగాహన వచ్చి ఉంటుంది. అదే డిసెంబర్ 28 తేదీ అర్ధరాత్రి ముంబైలోని ఓ పబ్‌లో జరిగిన ఘోర అగ్ని ప్రమాదం. ఈ ప్రమాదంలో 14 మంది ప్రాణాలు కోల్పోయారు.

ఓ వైపు అగ్నిమాపక సిబ్బంది మంటలను అదుపు చేస్తుంటే.. మరోవైపు భవనంలో చిక్కుకుపోయిన బాధితులను అంబులెన్సులలో ఆస్పత్రికి తరలిస్తున్నారు. ఈ క్రమంలో సుదర్శన్ షిండే అనే పోలీస్ కానిస్టేబుల్ ఎంతో సాహసంతో ఏడంతస్తుల భవనాన్ని మూడు సార్లు ఎక్కిదిగి 9 మంది ప్రాణాలు కాపాడారు. చివరిగా స్పృహలో లేని ఓ అమ్మాయిని తన భుజంపై మోసుకుని మెట్లు దిగి వస్తుండగా ఎవరో తమ కెమెరాను క్లిక్ అనిపించారు. ఆ ఫొటో ఇప్పుడు సోషల్ మీడియాలో వైరల్‌గా మారింది. ఎంతో ధైర్యంతో 9 మంది ప్రాణాలను కాపాడిన సుదర్శన్‌ను రియల్ హీరో అంటూ కీర్తిస్తున్నారు.

SHARE