భ‌క్తికి శృంగారానికి మ‌ధ్య లింకేంటి..?

96

The bullet news (SEX)-  భక్తికి, శృంగారానికి చాలా దూరం అని సంప్రదాయ వాదులు భావిస్తారు. సెక్స్ అనేది కేవలం సంతానోత్పత్తి కోసమే అనేది ఆధ్యాత్మిక మార్గంలో పయనించే వారి భావన. కానీ భార్యాభర్తల మధ్య రతి క్రీడను ప్రోత్సహించేలా కేరళకు చెందిన ఓ చర్చి నడిపే మ్యాగజీన్‌లో వ్యాసం ప్రచురితమైంది. అది కూడా క్రిస్మస్ ఎడిషన్ సందర్భంగా కావడం గమనార్హం.

‘శృంగారం అనేది శరీరానికి, మనసుకు ఓ వేడుక లాంటిది. శారీరక అనుబంధం, శృంగారం లేని ప్రేమ టపాసులు కాల్చకుండా జరిపే పండుగ లాంటిది. రెండు శరీరాల కలయిక వల్ల వారి మనసులు కూడా తప్పకుండా కలుస్తాయి’ అని రేతియం ఆయుర్వేదం (సెక్స్ అండ్ ఆయుర్వేద) పేరిట ప్రచురితమైన ఆర్టికల్‌లో పేర్కొన్నారు. ‘ముఖరేఖ, అలపుజా డియోసెస్’ మంత్లీ మ్యాగజీన్‌ డిసెంబర్ సంచికలో డాక్టర్ సంతోష్ థామస్ నాలుగు పేజీల ఈ వ్యాసాన్ని రాశారు.

కామశాస్త్రానికి సంబంధించి.. శృంగార జీవిత ప్రస్తావనతో ఆ మ్యాగజీన్‌లో ఆర్టికల్ ప్రచురించడం ఇదే తొలిసారి కావడం గమనార్హం. ఆరోగ్యవంతమైన జీవితాన్ని గడపాలని సూచించడం కోసమే ఈ వ్యాసాన్ని ప్రచురించామని ఎడిటర్ ఫాదర్ జేవియర్ కుడియంసెరీ తెలిపారు.

వాగ్భటుడి ఆయుర్వేద గ్రంథమైన అష్టాంగ హృదయం ప్రకారం నాలుగు రకాల స్త్రీలు ఉంటారని డాక్టర్ థామస్ తన ఆర్టికల్‌లో పేర్కొన్నారు. శారీరక ఆకృతి, పరిమాణం, ఇతర లక్షణాల ఆధారంగా మహిళలను పద్మినీ, చిత్రిని, సంఘిని, హస్తిని అని నాలుగు రకాలు విభజించవచ్చని ఆయన తెలిపారు. ఈ ఆర్టికల్ పట్ల మహిళా సంఘాలు మండి పడుతున్నాయి. కానీ థామస్ రాసిన వ్యాసంలో తప్పేమీ లేదని ఓ ప్రభుత్వ అధికారి స్పష్టం చేశారు.

SHARE